Enkelejd Alibeaj, nga hyrja e kryesisë së Kuvendit, u shpreh se PD është ofruar për një president dhe një proces të bazuar në kritere dhe procedura.
Ai tha se një proces i tillë nuk duhet parë si një farsë e Edi Ramës dhe se mazhoranca nuk e ka moralin për të zgjedhur presidenti, pasi ka disa persona non grata.
“Për t’ju hequr kërshërinë, nuk isha në takim me asnjërin. Qëndrimi ynë publik është në dijeninë tuaj dhe të gjithë shqiptarëve. Ne kemi rënë dakord që të marrim pjesë në një proces real, ashtu sikurse e do presidenti i shqiptarëve, mbi palët dhe neutral. Ne jemi ofruar për të pasur një proces dhe ky të jetë i bazuar ne kritere dhe procedurë, si një garanci të domosdoshme për një president që simbolizon unitetin e popullit. Këtë qëndrim ia kam përcjellë të gjithë përfaqësuesve parlamentare. E shohim që në këtë proces që të mos perceptohet procesi si farsë. Në 3 raundet e para presidenti zgjidhet me 84 vota,. Mazhoranca nuk e ka legjitimitetin për të zgjedhur president e vetme, sepse mazhoranca ka deputetë të gjeneruar nga personazhe non grata dhe ka deputetë të tillë. Ndërkohë që dy të tjerë që nuk janë sot në kuvend janë pas hekura. Prandaj nuk ka vend për lojëra dhe farsa nga Edi Rama. E drejta për të propozuar i takon së paku nga opozitës. Për këtë arsye ne kemi propozuar kritere sepse kemi një detyrim”, tha Alibeaj në një prononcim për gazetarët.
