Gazetari Arian Çani, i pranishëm në emisionin “Të Paekspozuarit” u shpreh se Kryeministri Edi Rama ndoshta e sulmon SPAK për të “mbrojtur” Sali Berishën dhe Ilir Metën.
“Në një farë mënyre, duke sulmuar SPAK, e vendos Prokurorinë Speciale në presion, dhe mendoj se Edi Rama ka bërë llogaritë që pse të dënohen paraardhësit e mi, pasi nesër do t´i vijë dita edhe atij”, tha Çani.
Sipas tij, Rama është mjeshtër i propagandës, dhe nuk është çudi që nesër të dalin sondazhet që të tregojnë se drejtësinë nuk e ka Kryeministri nën kontroll.
“Keni parë në studio që të flitet për inceneratorët, ja pra që sulmet e Ramës kanë tërhequr vëmendjen”, tha Çani.
