Ish-kryeministri i Maqedonisë Veriore Nikola Gruevski ka shënuar një fillim të mbarë në biznes, teksa kompania e tij për konsultime në Hungari, ka shënuar fitim prej 10 mijë eurove në pesë muajt e fundit, bënë të ditur kështu Balkan Insight.
Nuk janë të njohura aktivitetet me të cilat është arritur deri te ai fitim, por mediat lokale spekulojnë se fitimet kanë arritur duke u lidhur me Ministrinë e Punëve të Jashtme të Hungarisë. Ndërkohë shefi i diplomacisë së Hungarisë, Peter Sijarto nuk i fsheh takimet e regullta me Gruevskin.
Pas ikjes në Hungari, Gruevski fshihet nga opinioni dhe shumë pak dihet për jetën dhe aktivitetet e tij atje, por ai përsëri u bë aktual në mediat e atjeshme kur regjistroi firmën I.C.I.C.
Firma e Gruevksit nga 14 korriku vitin e kaluar ndodhet në rrugën “Boshkai” nr 9 në fshatin Pecel, e cila ndodhet 20 kilometra nga Budapesti. Bëhet fjalë për shoqatë me përgjegjësi të kufizuar. Gruevski ka kërkuar dhe pastaj ka fituar miratim për të filluar biznes me firmë. “Dojçe Vele” ka publikuar se firma e Gruevskit planifikon aktivitete të gjera në 10 sektore të ndryshme, sipas asaj që thuhet në dokumente. Regjistrimi i firmës atë e ka kushtuar 8,350 euro.
Fokusi kryesor i kompanisë është biznes-konsultim, por ajo është e licencuar të udhëheqë dhe spektër të gjerë të aktiviteteve sikurse shitjen e porcelanit, prodhime nga xhami, produkte për pastrim, ushqim, pije dhe duhan, si dhe udhëheqjen e piarit, komunikim dhe marketing.
Muajin e kaluar Gruevski u vendos në listën e sanksioneve të Stejt Departmentit Amerikan por me siguri Qeveria hungareze nuk do ta ndryshojë qasjen miqësore me Gruevskin përshkak marrdhënieve të shkëlqyera me kryeministrin Orban.
