Kryetari i Partisë Demokratike Lulzim Basha raportoi para gazetarëve për vizitën e tij në SHBA. Basha deklaroi se ka marrë mbështetje të fortë për ngritjen e Byrosë Kombëtare të Hetimit dhe zbatimit të Ligjit të Dekriminalizimit.
“Byroja Kombëtare do t’i japë fund Al Capone-ve. Rama, Al Capone i ulur në karrigen e kryeministrit, i cili përkthehet në dhjetëra Al Capone të tjerë.”– deklaroi Basha.
Duke folur për reforëm në drejtësi, Basha deklaroi se ajo është zvarritur prej dy vitesh nga kryeministri Edi Rama me qëllimin e vetëm që të mos realizohet kurrë.
“Negociatat për reformën në drejtësi, a do ta shikojmë opozitën në tryzën e dialogut politik? Pas 2 vitesh insistim për dialog politi dhe në mbyllje të vizitës në SHBA, maxhoranca pranoi të ulet në dialog politik të hapur për reformën në drejtësi. Kemi humbur 2 vite, sepse Edi Rama nuk e ka dashur reformën në drejtësi. E ka konceptuar si vello për të mbuluar synimet e tij në drejtësi. Rama e ka kapur drejtësinë, ajo për të cilën bëhet fjalë mosçimentimi i drejtësisë, kjo është një detyrë e madhe edhe për partnerët ndërkombëtarë. Mosçimentimi do të thotë të heqim varësitë e gjykatave nga institucionet. Që Edi Rama mos të telefonojë gjyqtarët dhe t’u thotë mos e dëno këtë.”– shtoi më tej Basha.
Kryedemokrati akuzoi mazhorancën se ka mbajtur peng për më shumë se një vit mandatin e deputetit socialist Koço Kokëdhima.
