Ish-Kryeministri Sali Berisha deklaroi se është dakort 100% që të hetohet jo një herë por 100 herë dosja e 21 janarit.
Berisha tha se përgjegjësi kryesor për atë që ndodhi është Edi Rama, i cili solli mish për top njerëzit për shkak të ambiecies për pushtetin e kryeministrit të sotëm.
“Kjo është e faktuar në dokumentet ndërkombëtare, e ka thënë edhe raporti i OSBE në atë kohë”, tha Berisha.
Gjithashtu ai u shpreh se Gërdeci është hetuar nga një prokurore anti-Berishë, u dënuan zyrtarë dhe privatë, por gjithçka u konsiderua si aksident teknologjik.
“Insistova që të shpalleshin si vrasje shtetërore pa dashje, sepse ka tjetër shpërblim, por Edi Rama nuk ka nocion për shtetin. Nëse viktima trajtohet si vrasje shtetërore pa dashje, ka të bëjë me shpërblimin që jepet për familjarët e viktimave, por ai nuk ka asnjë nocion për shtetin”, tha Berisha.
