Këngëtarja Ronela Hajati, e cila përfaqësoi Shqipërinë në Eurovision, tërhoqi vëmendjen e të gjithëve jo vetëm për këngën e zërin potent, por edhe për veshjen dhe performancën e cilësuar si “provokuese”.
Ronela ka grumbulluar një rekord, pasi kënga e saj “Sekret” është renditur në vendin e 5-të si një nga këngët më të dëgjuara në Eurovision për muajin e kaluar.
Pritshmëritë ishin të mëdha dhe kritikët e kanë kuotuar Hajatin si një nga këngëtaret më të mira të kompeticionit, por ajo nuk arriti të kualifikohet në finale. Të gjithë pyesim veten pse, kur publiku këndonte parreshtur këngën e saj.
Që Ronela të kalonte në finale i duheshin votat e publikut dhe vlerësimi i jurisë profesionale, por duket se nuk kanë mjaftuar për të shkuar më tej.
Ndjekësit e Eurovision-it kanë ngritur në rrjete sociale pyetjen: Si ka mundësi gjithë kjo mbështetje dhe tifozllëk për Ronelën, dhe ajo as nuk mundi të kualifikohej në finale?
Në një vëzhgim të thjeshtë në faqen zyrtare të Eurovision-it, video e performancës së Ronela Hajatit është më e para dhe më e komentuara nga të gjitha performacat e vendeve të tjera konkurrente. Ronela ka grumbulluar plot 305,024 shikime dhe 11, 442 komente.
Pas eliminimit, Ronela shprehej: “Edhe sikur të isha në finale do të isha e fundit! E di! Por dashuria që kam marrë është e madhe! Unë e fitova Eurovisionin sepse fitova turmën (publiku)! Dhe turma ka gjithmonë të drejtë! Ju dua”.
Ja dhe një kunj i drejtpërdrejtë nga Ronela, e cila duket qartë që duke parë feedback-un e marrë priste të kualifikohej për në finale.
Ronela u përball në këtë kompeticion me bullizëm, kritika, komplimente, kërkesë për censurim të performancës, etj. Por, a ishte realisht një lëvizje dore pranë zonës intime burim për kritika kaq të ashpra, duke parë fare mirë performacat e viteve të kaluara që janë shumë herë më provokuese dhe sensuale?!
Kujtojmë rastin e Conchita Wurst, transvestiti nga Austria, pjesëmarrja e së cilit krijoi polemika të shumta asokohe, por Eurovision bëri “një sy qorr e një vesh shurdh”. Rusia, Armenia dhe Bjellorusia nisën madje një peticion online për të parandaluar pjesëmarrjen e këngës së tij në Eurovision. Mediat italiane shkruanin se ai i ka skandalizuar spektatorët me mjekrën e tij veshur me një fustan me shkëlqim.
Ndërkohë, një lëvizje dore nga përfaqësuesja e Shqipërisë ngriti në këmbë Eurovisionin dhe fshinë foton e saj e cila kishte grumbulluar mijëra pëlqime.
Faqja “Wiwibloggs”, e cila vit pas viti komenton pjesëmarrësit në “Eurosong”, shkruan për këngëtaren shqiptare se ka guxuar shumë me performancën dhe me ironi shprehen se sekreti i Ronelës është zona e saj intime.
“Ronela Hajati ka një shfaqje shumë seksuale, balerini i afrohet dhe kërcen me të në mënyrë shumë provokuese, teksa këngëtarja prek zonën e saj vaginale. Është një performancë shumë seksi”; “Le ta themi, në fund kemi një skenë orgjie, me femrën në mes dhe rrethuar me meshkujt. Duket shumë e etur”, shprehen komentatorët, duke mos e fshehur çudinë për guximin që ka kjo performancë, e cila për pjesën më të madhe të përdoruesve të rrjeteve sociale ishte brenda çdo norme dhe shprehen se Ronelës po i bëhet një padrejtësi nga Eurovision.
Përdoruesit e rrjeteve sociale dhe ndjekësit e Eurovision kanë shpërthyer në komente dhe kritika pasi këngëtarja shqiptare Ronela Hajati nuk do të jetë pjesë e finales së Eurovision 2022.
Në faqen zyrtare të Eurovision-it në Instagram, mijëra komente kanë vërshuar nga ndjekësit ku kërkohet drejtësi për vendin tonë.
“Ia futët Ronelës”; “Drejtësi për Shqipërinë”; “Ky është kompeticioni më i padrejtë që është parë ndonjëherë”; “Eurovizioni është e gjitha një çështje politike, ajo e meriton finalen, turp për ju!”; “Shikoni kush ka marrë feedback-un më të mirë në Europë”- janë komentet më të shpeshta në faqen zyrtare të Eurovision.
Komentuesit theksojnë se ishte shumë e padrejtë pasi kënga e saj ka patur feedback-un më të mirë në Europë.
Për më shumë mund të lexoni mbi 11 mijë komentet që ka marrë Ronela në faqen zyrtare:
View this post on Instagram
S’kemi çfarë shtojmë më tej, publiku shqiptar dhe ai i huaj e kanë shprehur qartë se e preferuara e tyre ishte Ronela, që çuditërisht nuk u kualifikua (dhe u mund nga vende që kishin një feedback të “vakët”).
Eurovision, shihemi vitin tjetër!
Anduela Laçi/ Boldnews.al
