Gjinekologu Arsim Gashi që sulmoi fizikisht profesoreshën Hatixhe Latifi Pupovci në Fakultetin e Mjekësisë është ndaluar për 48 orë nga policia.
Lajmin për Gazetën Express e ka bërë të ditur Laureta Ulaj, zëdhënësja e Prokurorisë Themelore në Prishtinë.
“E nderuar, me urdhër të prokurores kujdestare është ndaluar në kohëzgjatje prej 48 orësh personi për të cilin keni parashtruar pyetje, për shkak të dyshimit se ka kryer veprën penale “Sulmi ndaj personit zyrtar”.”, tha ajo për Gazetën Express.
Kujtojmë se profesoresha e UP-së, Hatixhe Latifi-Pupovci sot u sulmua nga një person në ambientet e Fakultetit të Mjekësisë.
Ajo ka shkruar në Facebook, ku ka folur për ngjarjen. Ajo ka thënë se sulmi ndaj saj ishte i papritur dhe i paprovokuar dhe i shkaktuar nga motive të pakuptueshme.
