Presidenti Ilir Meta u shpreh mbrëmjen e sotme në emisionin “Top Story” se Edi Rama u përpoq të rrëmbente Gjykatën Kushtetuese, duke përfituar edhe nga Lulzim Basha.
Meta tha se arritën deri atje sa donin të çonin në Kushtetuese një anëtare që betohej para një noteri.
“Mua ma bënë më të vështirë por antenat i ngrita më lart. U detyrova derisa të kërkoja edhe ndihmën e popullit. Në 2 mars, mund t’ju them juve, që duke qenë se jam njeri i përgjegjshëm dhe serioz nuk doja një manifestim për të treguar se isha lideri i opozitës apo diçka e tillë.
Jo vetëm që kam respektuar paktet e bëra me ndërkombëtarët, por kam pritur dhe u kam bërë thirrje që dekretet e mia le t’i çojnë në Venecia. Po shiko tani Edi Rama është i vetmi në glob që thotë merr ti dokumentet e tua dhe çoji në Venecia.
Këta sapo filloi kjo situata e pandemisë në Itali, fusin një ligj që ta bënin fakt të kryer. Unë e kuptova këtë e thërrisja Lulzim Bashën i thoja ore hajde se duan të rrëmbëjne vendet e Kushtetueses. Ai më thoshte jo po këtej jo po kastravecat në Lushnjë janë problem shumë i madh. Ai nuk bënte asnjë iniciativë, e humba besimin tek ai se nuk reagonte për asgjë të rëndësishme”, tha Meta.
Presidenti u shpreh se zoti Basha ishte terësisht i koordinuar me Edi Ramën, loja ishte e qartë.
“Unë ndihem sikur mezi po pres të dal nga një ëndërr. Kjo periudhë e presidencës që ende nuk ka mbaruar ka 3 faza. Presidenca ishte normale deri në momentin që opozita dogji mandatet”, tha ai.
