Një ngjarje e rëndë ndodhi sot në Valbonë ku një turist gjerman, pjesë e një grupi prej 4 turistësh, humbi jetën aksidentalisht.
Mësohet se 3 turistët të cilët kanë rënë në një humnerë në alpet mes Valbonës dhe Thethit janë gjetur pak orë pas ngjarjes së rëndë.
Grupi i 4 turistëve të huaj po eksploronte alpet teksa dyshohet se kanë ngatërruar rrugën. Tre prej tyre kanë rënë në humnerë ndërsa raportohet se një prej tyre ka ndërruar jetë, ndërsa dy të tjerë janë plagosur.
Në foton e mëposhtme duket rruga që kanë ndjekur turistët (vija me të kuqe), ndërkohë që duhet të kishin ndjekur rrugën poshtë (vijën me të verdhë).
Dy të plagosurit e tjerë janë transportuar drejt Traumës për mjekim më të specializuar.
