Dy vëllezër janë arrestuar nga policia e Divjakës, pasi kanë goditur për motive të dobëta vëllain e tyre. Ngjarja ka ndodhur në fshatin Feras.
Policia tha se të arrestuarit janë Zabit dhe Arjan Kobeci, 25 dhe 32 vjeç.
Raportohet se dhuna me mjete të forta është ushtruar brenda banesës së tyre të banimit, ndaj vëllait të tyre më të madh 36-vjeçar.
Mbi të arrestuarit tani rëndon akuza për “dhunë në familje”, ndërkohë që materialet hetimore i kanë kaluar Prokurorisë pranë Gjykatës së Shkallës së Parë Lushnje.
