Guardia di Finanza e Modenës arrestoi një shtetas shqiptar me akuzën e trafikut të drogës.
Në zotërim të tij janë gjetur 1 kg heroinë e cilësisë mjaft të pastër si dhe 1900 euro cash.
Shtetasi shqiptar, i cili udhëtonte me automjetin e tij e me shpejtësi të lartë në rrugët e qytezës Castelfranco Emilia, është ndaluar nga patrulla policore e Guardia di Finanzës.
Me ndihmën e qenëve antidrogë u sinjalizua ekzistenca e lëndës narkotike brenda automjetit, ndaj të cilit u ushtrua një kontroll teknik që identifikoi një vend të modifikuar enkas ku u gjetën fshehur dy pako me heroinë me peshë të përgjithshme mbi 1 kg.
Lënda narkotike, së bashku me automjetin si dhe me rreth 1900 euro që kishte në zotërim shqiptari u vunë nën sekuestrimin e autoriteteve italiane.
Shetasi shqiptar është shoqëruar në burgun e Modenas e është në dispozicion të sistemit gjyqësor për trafij droge.
