Ajo që konsiderohet si platformë e Enkelejd Alibeajt për zgjedhjen e Presidentit të ri të Rpublikës, po kundërshtohet jo vetëm nga deputetë të PD-së, por edhe opozitës në tërësi.
Deputetja Msila Doda, referuar draftit të publikuar mbrëmjen e së dielës nga Alibeaj, ku një nga kriteret ishte që Presidenti i ri nuk duhej të kishte mbajtur funksione politike në 5 vitet e fundit, tha se është kundër një kriteri të tillë. Sipas saj, nëse ka një post ku nevojitet një person politik ai është posti i Presidentit.
Reagimi nga Mesila Doda
“U njoha nga mediat mbi draftin e pergatitur nga z. Alibeaj e besoj qe ne draft ka koncepte qe i bashkendajme.
Se pari, Kushtetuta shprehet qarte qe Presidenti si kreu i shtetit dhe perfaqesuesi i unitetit te popullit duhet te marre mbeshtetjen e shumices se cilesuar dhe eshte e detyrueshme te kerkohet konsensusi ne parlament. Se cilat jane formulat e perzgjedhjes mund te diskutohet po eshte e rendesishme te theksojme se konsensusi eshte i detyrueshem nga Kushtetuta e jo nje opsion per maxhorancen. Perndryshe do kishim vetem nje president si zgjidhje e krizes parlamentare por jo perfaqesues i unitetit te popullit.
Se dyti dhe kjo eshte po ashtu shume e rendesishme, nuk e kuptoj se perse kemi tendencen qe te perjashtojme politiken nga presidenca… nese ka nje post per exellence, ku nevojitet nje person politik eshte ai i presidentit. Askush nuk mund te paragjykoje e te perjashtoje politiken nga Presidenca. Ka midis nesh, nga e majta dhe e djathta, shume personalitete qe e permbushin perfaqesimin me te gjere se forcat e tyre politike. Duhet te respektojme profesionin tone dhe te pranojme qe ka mes nesh personalitete qe meritojne besim dhe respekt, prerogativa te cilat posti i Presidentit i ka te detyrueshme.
Mbetem e mendimit per nje president qe vjen nga politika dhe eshte i pranueshem per te gjitha palët” shkruan Doda.
