Vladimir Putin ka nisur fjalimin në Ditën e Fitores në Moskë. Presidenti rus ka uruar fillimisht forcat për fitoren e Luftës së Dytë Botërore 77 vite më parë, dhe menjëherë iu referua Ukrainës, duke thënë:
“Është e njëjta gjë tani. Ju po luftoni për njerëzit tanë në Donbas, për sigurinë e atdheut tonë. Dita e fitores është afër zemrës së secilit prej nesh.
Nuk ka familje në Rusi që të mos ketë vujtuar nga lufta e madhe patriotike.Jemi krenarë për gjeneratën e fitimtarëve.”
Presidenti rus Vladimir Putin thotë se gjatë vitit të kaluar ka pasur tensione me vendet e tjera evropiane dhe NATO-n.
Ai thotë se Rusia “i kërkoi Evropës të gjente një kompromis të drejtë, por ata nuk donin të na dëgjonin” ndërsa shton se po përgatisnin një operacion ndëshkues në Donbas, në Ukrainën lindore, ku operacionet e Rusisë do të jenë të fokusuara.
“Në Kiev ata thoshin se mund të merrnin armë bërthamore dhe NATO filloi të eksploronte tokat afër nesh dhe kjo u bë një kërcënim i dukshëm për vendin tonë dhe për kufijtë tanë. Gjithçka na tregonte se ekziston nevoja për të luftuar.”- tha Putin.
