Në eventin UFC-274 zhvilluar sot në Feniks (Amerikë) ishte edhe përballja mes dy prej veteranëve të kafazit, Michael Chandler dhe Tony Ferguson. Një duel që u fitua në mënyrë fantastike falë një nokauti të pabesueshëm nga Chandler (23 fitore, 7 humbje në kafaz) në raundin e dytë, që rikthehet te triumfi pas dy humbjeve.
Kështu, luftëtari i pestë në renditjen zyrtare në fillim të raundit të dytë i dha një “goditje ballore” Fergusonit, goditje të cilën nuk e kishte përjetuar kurrë më parë në karrierën e tij.
Nokauti i Chandler nuk shihet shpesh në këtë nivel dhe ishte gjithashtu i nënti i këtij lloji në historinë e UFC.
Raundi i parë foli më shumë për Ferguson që i dha një goditje të fuqishme Chandler, i cili u kthye përsëri dhe bëri një punë të shkëlqyer deri në fund të raundit.
Chandler ka një raport 2-2 në UFC me Ferguson, por mënyra se si ai lufton është ajo që me siguri do t’i sjellë atij një tjetër mundësi të madhe.
Nga ana tjetër, kjo është humbja e katërt radhazi për Ferguson, por për herë të parë u mbyll brutalisht, ndaj shumë në rrjetet sociale parashikojnë fundin e karrierës së tij.
Kujtojmë, Ferguson dikur mbajti një varg prej 12 fitoresh në UFC që u ndërpre në vitin 2020 nga Justin Gaethje.
