Një qytetare nga Korça, e identifikuar si Albana Saliçe, ka humbur jetën mëngjesin e kësaj të diele, pasi kishte marrë mjekim në urgjencën e spitalit të Korçës.
Por pas ngjarjes së rëndë, burri i gruas që humbi jetën, Edison Saliçe ka akuzuar mjekët për mjekim të pakujdesshëm dhe trajtim të gabuar.
Reagimi
Edison Saliçe: Bashkëshortja erdhi në orën 3 e 15, ne kemi marrë në telefon 127 na u përgjigjën sepse shtëpinë e kemi këtu afër, erdhëm në spital ndenjëm deri në orën 5. I bëri doktori një gjilpërë dhe na thotë është anemike, nga zemra nuk ka asgjë, EKG-ja i doli mirë. Ikni në shtëpi.
Vajtëm në shtëpi na zuri pak gjumi, ngrihem në mëngjes e pyes si je, nuk po më përgjigjej, lajmërova fqinjen, lajmërova këta, ardhëm këtu, as emrin e doktorit, asnjë gjë, na thonë vetëm i bie goja erë të keqe, mos ka pirë detergjent, që nuk bën vaki asnjëherë në botë.
Kishte shqetësime gjinekologjike për të cilat po mjekohej. Kurën e vazhdonte normalisht ishte shumë mirë, pas bërjes së gjilpërës këtu… nuk ja di emrin mjekut.
U regjistrua në kartelë në shërbimin e urgjencës. S’kam bërë akoma denoncim, të vijë mjeku ligjor edhe do ti vazhdoj veprimet e mëtejshme.
Nga gjilpëra ajo ishte për bukuri të zotit. Në orën 5 shkuam në shtëpi në 8 të mbarojë, ai le ta mbante këtu mos e çonte në shtëpi.
