Dyshohet se 60 persona kanë vdekur, pas sulmit me bombë në një vend strehim nw një shkolle në Ukrainë.
Sulmi ajror ndodhi të shtunën në një shkollë në rajonin e Luhanskit ku ishin strehuar 90 persona, sipas një zyrtari lokal.
Serhiy Hayday, kreu i Administratës Ushtarake Rajonale të Luhanskut, tha se 30 personat e strehuar në shkollë ishin shpëtuar, nga të cilët shtatë janë të plagosur, raporton CNN.
Trupat e pajetë të dy personave u gjetën në rrënoja, tha Hayday, duke shtuar se ‘ka të ngjarë që të gjithë 60 personat e mbetur nën rrënojat e ndërtesës të kenë vdekur’.
Një avion rus kishte hedhur një bombë në shkollën e fshatit Bilohorivka, e cila është rreth 10 kilometra larg vijës së frontit.
Rusia ka vazhduar me bombardime në lindje të shtetit ukrainas duke shkaktuar dëme materiale.
