Gazeta Koha Jonë me botues Nikoll Lesin në një video-editorial të saj, paralajmëron se Ardian Dvorani është kandidati i Edi Ramës për President të Republikës.
Duke iu referuar akuzave të Kryeministrit Edi Rama ndaj SPAK dhe mbrojtjes që i bëri ish-kreut të KED, Ardian Dvorani, Lesi paralajmëron se Dvorani mund të jetë kandidati për President, ndërsa sjell në vëmendje edhe vlerësimin që i bëri Departamenti i Shtetit, që e shpalli si “kampionin anti-korrupsion”.
Lesi paralajmëron se pas akuzave të Ramës ndaj SPAK, ky i fundit nisi me dosjet e dy ish-ministrave të Qeverisë Berisha, 2005-2013.
“Nëse SPAK nuk ndërhyn në kohë, turmat nuk do të thirren si në kohën e Lulzim Bashës që hajde bëjmë një xhiro”, thuhet në editorialin e Koha Jonë, e cila paralajmëron arrestime të mëdha zyrtarësh dhe ish-zyrtarësh.
