Moderatorja Roza Lati ka vendosur që të zmadhojë gjoksin.
Para pak kohësh Lati është shprehur se ndihet mirë me trupin e saj dhe se “seksi” e bënte personaliteti i saj dhe jo gjoksi dhe të pasmet. Ndërsa sot ajo ka vendosur që të ndryshojë mendim.
“Ty s’të pëlqen gjoksi im në foto me rroba banjo? “Shihe mirë, se po ta ekspozoj më shumë! Shihe mirë që të kuptosh se unë ndihem seksi dhe joshëse kështu si jam! Aty ku piketoj dhe peshkoj, me këtë gjoks të vogël, arrij ta bëj për vete. Sepse e luaj lojën me personalitet dhe jo me gjoks dhe të pasme.” – kjo ishte përgjigjja që Roza Lati i kishte dhënë atyre që e kritikonin për gjoksin e vogël në rrjete sociale.
Kjo ndodhi në shtator të vitit të kaluar, ndërsa vetëm gjashtë muaj më vonë, Roza duket se është ndikuar nga “fjalët e botës.”
Prezantuesja radiofonike ka vendosur ti nënshtrohet një ndërhyrjeje kirurgjikale për të zmadhuar gjoksin.
Në një video të publikuar para pak orësh në faqen në Instagram të klinikës, Lati shihet duke biseduar me stafin e një prej klinikave private.
Bisedën përfundimtare me klinikën, Roza duket ta ketë bërë ditën e mërkurë, pikërisht në ditën kur është shfaqur premiera e filmit “Fifty Shades Darker” ku ka qenë dhe prezantuesja.
Kjo dëshmohet nga veshja e saj.
Ndërkohë ju kujtojmë se në muajin korrik, Roza iu nënshtrua një tjetër operacioni plastik i quajtur rinoplastike, me anë të të cilit ka rimodeluar hundën. Vetëm se atë kohë Roza i kishte besuar pamjen e saj doktor Skerdit..
Çfarë ndodhi mes tyre që e ka “detyruar” Rozën të ndryshojë klinikë?
Opinion.al ka mësuar se prezantuesja ka mbetur e zhgënjyer nga rezultati i hundës, madje burime thonë se janë zënë me drejtorin Skerdi Faria.
Në mbetet të presim edhe pak ditë për të parë gjoksin e ri të Rozës.
