Një plagosje me thikë ka ndodhur në Durrës këtë të Mërkurë, ku një 15-vjeçar ka mbetur i plagosur.
Policia njofton se rreth orës 08:15, në lagjen 15 të qytetit bregdetar, A.Ç., 15 vjeç, gjatë një konflikti për motive të dobëta, ka goditur me thikë në këmbë një bashkëmoshatar të tij.
I plagosuri është transportuar në spital, ndërsa autori është kapur dhe shoqëruar në ambientet e Policisë.
Grupi hetimor po punon për zbardhjen e rrethanave të ngjarjes, mbyllet njoftimi i bluve.
