Nëndrejtoresha e një shkolle 9 -vjeçare, “Gjon Buzuku” në Tiranë tentoi të vriste veten duke pirë mbidozë ilaçesh, pas lajmit që mori se e kishin pezulluar nga detyra.
Dyshohet se shkak për veprimin e saj në kushte të ngarkuara psikologjike të jetë bërë pezullimi i saj nga puna nga ana e Drejtorisë Arsimore Rajonale.
Mësohet se bashkë me të është shkarkuar edhe drejtoresha e shkollës, Anila Muka, pasi kishte paguar një mësues që ndodhet jashtë vendi Sipas hetimit, orët e mësimit, mësohet se i zhvillonte nëndrejtoresha me inicialet D.S, e cila e ka cilësuar si të padrejtë vendimin e DAR për pezullimin e saj nga puna.
Për fat, ajo pas trajtimit u larguar nga spitali dhe ndodhet jashtë rrezikut për jetën. Reagimi i DAR Drejtorisë Arsimore Rajonale e Tiranës ka reaguar pas ngjarjes së ndodhur me nëndrejtoreshën e shkollës 9¬vjeçare në Tiranë. “Nëndrejtoresha ka bërë grafikun e orëve, pasi 22 orët që duhet t’i bënte mesuesi i larguar i bënin mësuesit e tjerë. Nëndrejtoresha ka shkelur ligjin, pasi nuk ka raportuar mungesën e punonjësit në detyrë. Ende nuk është shkarkuar. Të hënën merret vendimi për drejtoreshën dhe nëndrejtoreshën”, thuhet në reagimin e DAR Tiranë, raporton BW.
