Ish-ministri Ylli Manjani, i ftuar në emisionin ‘A Show’ në Syri Tv, tha se Partia Demokratike duhet të tregojë hapa konkretë si do ta rrëzojnë regjimin monist.
“Çfarë aksioni ka? Çfarë do bëjnë me shtetin, ekonominë? Si do ta bëjmë konkurruese?”-ishin pyetjet që ngriti Manjani.
Më tej, ai shtoi se Shqipëria ka nevojë për Kushtetutë të re të cilën ta bëjnë shqiptarët, pasi aktualisht është katandisur në Kushtetutë ambasadorësh.
“Një Kushtetutë e re që bazohet tek demokracia direkte, ta vendosin shqiptarët, jo politikanët. Shqipëria kështu si është katandisur me Kushtetutë ambasadorësh dhe me Kushtetutë Rogneri, bëhen të gjitha natën.
Kjo nuk është demokraci. Vendi ka nevojë urgjente për ekonomi konkurruese dhe jo për tendera sekretë.”-tha Manjani.
