Në këshillin e ri Kombëtar të Partisë Demokratike ka mbetur ¼ e të zgjedhurve një vit më parë.
Vetëm 26% e anëtarëve që kanë qenë në këshillin e kaluar janë konfirmuar edhe në Këshillin e ri Kombëtar që doli nga Kuvendi i 30 prillit.
Këshilli i ri Kombëtar i Partisë Demokratike do të ketë rreth 290 anëtarë, afro 155 më pak nga I kaluari.
Nga 150 anëtarët që u zgjodhën nga delegatët e Kuvendit 50% janë gra ose të rinj nga forumi rinor i PD.
Në mesin e 150 anëtarëve që u votuan më 30 prill, 17% ishin edhe në Këshillin. 14.6 % e tyre janë rikthime. Bëhet fjalë për figura të PD që kanë qenë me funksione partiake apo qeverisëse, por në vitet e fundit ishin larguar nga politika apo kishin krijuar parti më vete.
12.6 % e 150 anëtarëve që u zgjodhën janë prurje të reja në strukturat e Partisë Demokratike.
Me ndryshimet e statutit në 30 prill, Këshilli Kombëtar i PD do të ketë në përbërje edhe 140 anëtarë që futen automatikisht për shkak të funksionit që kanë në parti.
Tashmë pritet një mbledhje konstituimi e Këshillit Kombëtar, i cili do të zgjedhë kryesinë e re të Partisë Demokratike dhe i hap rrugën zgjedhjes së nënkryetarëve dhe sekretarit të përgjithshëm.
Këto procese do t’i paraprijnë zgjedhjes së kryetarit të ri të partisë, i cili do të votohet në 22 maj me parimin një anëtar një votë.
Këshilli i ri Kombëtar i PD:
50% do të jenë gra dhe të rinj nga FRPD dhe LGD
Kanë qenë 453 anëtarë të Këshillit Kombëtar
Do të jenë 294 anëtarë në Këshillin Kombëtar
17% e anëtarëve të K.K që ishin do qëndrojnë
Të larguar që rikthehen 14.6 %
Prurje të reja 12.6%
150 anëtarë të zgjedhur, 52 deputetët, 72 kryetarët e degëve, 15 nga diaspora, 3 ish-zyrtarë të lartë shteti, 2 ish-kryetar partie dhe 1 kryetari i bashkisë Shkodër. /Euronews/
