Fenomeni natyror në fshatin Dinoshë të Tuzit, është pamje spektakolare dhe e pazakontë për ata që kanë fatin ta shohin atë.
Atje buron ujë nga trungu i një mani 100-vjeçar.
Për këtë fenomen të martën ka shkruar edhe BBC.
Banorët thonë se çdo vit pasi të përfundojë dimri, trungu i manit kthehet në burim që rrjedh.
Sipas tyre, ky fenomen zgjatë vetëm një ditë ose dy.
Nuk ka ende ndonjë shpjegim se pse ndodh ky fenomen natyror, porse pamjet tregojnë një fushë të mbushur me ujë për shkak të ujit që del nga trungu.
