Ish anëtari i Këshillit Kombëtar të Partisë Demokratike, Edvin Kulluri, ka bërë disa kritika për Kuvendin Kombëtar që kjo parti mbajti ditën e shtunë.
I ftuar në emisionin “Të Paekspozuarit” në MCN TV, Kulluri tha se Kuvendi nuk pati debate apo ide të reja. Ai gjithashtu vuri në pikëpyetje procesin e votimit dhe numërimit, për zgjedhjen e anëtarëve të Këshillit Kombëtar, duke aluduar se ai ishte i paracaktuar dhe se ka patur nepotizëm, duke u zgjedhur persona nga e njëjta familje.
“Në Kuvendet tona vijon i njëjti spektakël që vijnë njerëz nga klasa punëtore, flasin, mallëngjejnë sallën… Është bërë déjà vu e papranueshme prandaj u largova. Së dyti nuk mund të ngjitet në tribunë për të folur çdo lloj njeriu, njerëz që nuk kanë asnjë kontribut. Barazohen të gjithë palët me attribute që nuk i kanë. Përshembull, në 11 dhjetor fola pas djalit të Besnik Mustafait. Fillojmë që te fjala.
Së dyti, nuk mund të thonë 30 vjet të njejtën gjë, kur nuk ka risi. Ishim keq, jemi më mirë dhe do të jemi shkëlqyer! Në Kuvend duhet të debatojmë. Problemi me Kuvendin nuk kanë lindur pardje, por që kur kanë filluar zgjedhjet për kryetarë degësh. Nuk ishte Kuvendi produkti që ka nisur prej kohësh në PD, me pikë kulmore 11 dhjetorin. Këtu si gjithmonë, fshihet debate, humbet memoria, për të dalë në krye një lider. Dje Basha dhe sot Berisha. Kemi thënë që partia do të bëhet parti e sovranitetit të anëtarësisë. Jo një parti që flet drejtuesi dhe të tjerët mbajnë shënim.
I vetmi person që mori zyrë para Kuvendit, është zoti Berisha. Janë simbolika që tregojnë se shenjat nuk janë të mira. Edhe një projekt konservator politik, është votuar kundër nga zoti Berisha, me kandidaturën e zotit Harxhi.
Të gjithë shkeljet demokratike, të çdo parimi demokratik të Bashës, nuk i ka bërë i vetëm. Të njëjtët njerëz që numëronin votat, ishin ata që para një viti kanë mbushur kutitë, siç e ka pranuar edhe vetë zoti Paloka.
Si mundet të njëjtët njerëz te kenë ndryshuar? Kur pashë pastaj produktin e Këshillit Kombëtar, kam shumë pikëpyetje”, tha Kulluri.
