Deputeti i PD, Tritan Shehu, në një intervistë për Fax News, e konsideroi rikthimin e Jozefina Topallit si diçka tepër të rëndësishme.
Përsa i përket zgjedhjeve për kryetar të PD, Shehu tha se kushdo, i cili është anëtar i Partisë Demokratike, është i lirë të shpallë kandidaturën e tij.
Sa i përket zhvillimeve të ardhshme, deputeti u shpreh se pas ristrukturimit të brendshëm, gjatë sezonit të verës, PD do të niste përgatitjet për zgjedhjet e ardhshme lokale të vitit 2023.
Roli i Topallit brenda PD, çfarë pritet të sjellë rikthimi i saj?
Shehu: Tashmë është anëtare e Këshillit Kombëtar, kjo është shumë e rëndësishme për të gjithë.
Zgjedhjet për kreun e PD, ka kandidatura të tjera në garë?
Shehu: Deri tani, kandidaturën e ka deklaruar vetëm Berisha por është e drejta e gjithsecilit që është anëtar i PD të shpallë kandidaturën për kryetar. Është e drejtë e pacënueshme.
Nëse rizgjidhet Berisha në krye, a do shkatërroheshin lidhjet me SHBA-të?
Shehu: Berisha është i vetmi njeri që mund të krijojë bashkimin dhe zgjerimin maksimal të PD. Nuk mund t’i thuhet dikujt, ik ti se po u fute ti në garë i fiton zgjedhjet.
Një ndër deputetet që nuk pritej të ishte pjesë e Kuvendit, ishte Ina Zhupa, si e keni parë këtë?
Shehu: Deklarata dhe pjesëmarrja e saj ishte diçka normale në Kuvend. Ashtu siç ishte edhe pjesëmarrja e të tjerëve që ishin të pranishëm në Kuvend.
Çfarë pritet të ndodhë në PD, tashmë pas Kuvendit?
Shehu: Si fillim të përfundojë procesi i ristrukturimit të plotë dhe më pas na pret beteja e zgjedhjeve administrative. Shumë shpejt, gjatë verës, do të fillojmë dhe përgatitjet për zgjedhjet lokale.
