Një vajzë e mitur 14-vjeçare ka kallëzuar babain e saj në Kukës pasi ushtronte vazhdimisht dhunë fizike dhe psikologjike ndaj saj. Forcat blu arrestuan në flagrancë 36-vjeçarin e identifikuar me inicialet M.B., banues në fshatin Lojme, Kukës.
Gjatë kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale, një armë zjarri, një armë gjahu çifte, sasi municioni luftarak dhe disa fidanë të dyshuar narkotikë kanabis, të kultivuar në gota plastike.
Ai akuzohet për veprat penale “Dhuna në familje”, “Mbajtja pa leje dhe prodhimi i armëve, armëve shpërthyese dhe i municionit” dhe “Kultivimi i bimëve narkotike”.
