Në prag të nisjes së sezonit turistik, Greqia ka vendosur të lehtësojë më tej masat kundër koronavirusit, që penguan ecurinë ekonomike të vendit për dy vite me radhë.
Organi i aviacionit civil grek ka njoftuar së fundmi heqjen e të gjitha kufizimeve në lidhje me koronavirusin për fluturimet e brendshme dhe ndërkombëtare, me përjashtim të detyrimit për të mbajtur maska në aeroport dhe gjatë fluturimit.
Deri më tani, udhëtarëve u kërkohej të tregonin prova të vaksinimit, test negativ ose një certifikatë që vërtetonte shërimin nga Covid-19.
