Policia ka reaguar për 62-vjeçarin, i cili u gjend i mbytur në Durrës.
Përmes njoftimit zyrtar bëhet i ditur se trupi pa jetë i përket shtetasit V.B, banues në Durrës. Viktima vuante nga sëmundja e epilepsisë.
Nga veprimet e kryera nuk u konstatuan shenja dhune apo dëmtime të tjera dhe dyshohet se ka ndërruar jetë si pasojë e mbytjes në det.
Durrës/Informacion shtesë.
“Në vijim të informacionit paraprak të dhënë në lidhje me një shtetas të paidentikuar që u gjet i mbytur në det, ju informojmë se:
Në vijim të veprimeve u bë i mundur identifikimi i trupit të pajetë, shtetasi V. B., 62 vjeç, banues në Durrës (i cili vuante nga sëmundja e epilepsisë).
Nga veprimet e kryera nuk u konstatuan shenja dhune apo dëmtime të tjera dhe dyshohet se ka ndërruar jetë si pasojë e mbytjes në det”
