Gjykata e Shkodrës ka lënë në burg 29-vjeçarin, Elfat Saliu, autor i dyshuar i plagosjes me armë zjarri të Edis Reçajt me 19 Prill. Saliu u arrestua dy ditë më parë nga policia e Shkodrës në një hotel ku fshihej pas shpalljes në kërkim.
Vetë Reçaj i cili mbeti i plagosur përpara hetuesve deklaroi se nuk e njihte personin që e qëlloi, pasi ishte i maskuar, por hetuesit zbuluan se ai dhe autori kanë qenë në një makinë në momentin që është qëlluar.
Plagosja dyshohet se erdhi pas një konflikti për motive të dobëta i cili fillimisht nisi verbalisht e më pas përfundoi në përdorimin e armës së zjarrit nga Elfat Saliu.
