Piktori i njohur shqiptar, Helidon Haliti ka një ide origjinale në lidhje me autobusin e aksidentuar dje në lumin Lana, i cili edhe sot ka mbetur në pozicionin pas aksidentit. Përmes një postimi në rrjetet sociale, Haliti propozon që autobusi të qëndrojë aty ku është, si një instalacion arti për qytetin, ku autor është vetë “Populli”.
“Pa dashur të prek askënd dhe kërkoj ndjesë për këtë, por e kam krejt artistik propozimin… Unë këtë e lija aty si INSTALACION ARTI dhe do ishte nga instalacionet më të bukur në botë me autor ”POPULLIN””, shkruan mes të tjerave Haliti.
Ditën e djeshme një autobus i linjës së Unazës përfundoi në Lanë së bashku me një makinë pasi u përplasën. Për pasojë mbetën të lënduar lehtë 5 persona.
