Pas aksidentit të rëndë me një nga autobusët e linjës së Unasës në kryeqytet, i cili përfundoi në Lumin e Lanës këtë mbrëmje u lënduan disa persona.
Ata u dërguan menjëherë në Spitalin e Traumës.
Në spital e shtruar është një grua që ishte në autobus, ndërsa një burrë ndodhej në makinën që ranë në Lanë. Janë edhe dy persona të tjerë të moshës 27 vjeç.
Manastirliu tha se ka qenë në vendin e ngjarjes kur ndodhi aksidenti dhe sipas saj ambulanca ka qenë në një kohë shumë të shkurtër aty. Të lënduarit kanë marrë dëmtime që sikundër thanë mjekët nuk janë në shkallë të rëndë.
Ndërkohë policia ka dhënë informacionet e para rreth personave të dëmtuar si dhe inicialet e tyre dhe moshën.
Tiranë/Informacion shtesë
Në vijim të informacionit paraprak të dhënë pak më parë, se në afërsi të Kinema Agimi, një autobus është përplasur me një mjet dhe si pasojë ka rënë në Lumin Lana, bëjmë me dije se janë paraqitur për kontroll mjekësor dhe ndodhen jashtë rrezikut për jetën, shtetasit M. K., 62 vjeç, (drejtuesi i autobusit), A. K., 61 vjeç, (faturino), pasagjerja e autobusit, shtetasja F. Ç., 64 vjeçe, shtetasi J. R., 27 vjeç (drejtuesi i mjetit) dhe shtetasi A. H., 27 vjeç, (pasagjeri i mjetit).
