Dalin detaje të reja lidhur me ngjarjen e ndodhur pak minuta më parë në Lungomare në Vlorë. Sipas të dhënave mësohet se mjeti i cili ishte shënjestër e armëve të zjarrit tip Mercedes ML është në emer të Astrit Aliraj kryeplaku i fshatit Kaninë.
Por ajo i ishte lënë në përdorim të birit Juxhino Todi 24 vjeç, i cili kishte ndryshuar mbiemrin. Policia thotë në njoftimin e saj paraprak se automjeti me të cilin udhëtonte 24-vjeçari është ndjekur nga një person me xhup të zi.
Për fat të mirë plumbat nuk e kanë kapur të riun. Policia ka ngritur postblloqe të shumta me qëllim arrestimin e autorit të mundshëm të kësaj ngjarje.
Informacion paraprak
Më datë 29.04.2022, rreth orës 18:55, në lagjen “10 Korriku”, Vlorë, dyshohet se gjatë një konflikti shtetasi J. A., dhe shteasi L. M., dyshohet se kanë qëlluar me armë zjarri pistolete. Nga konflikti nuk ka të dëmtuar.
Grupi hetimor ndodhet në vendngjarje dhe po punon per sqarimin e rrethanave të ngjarjes.
