Modelja Beniada Nishani ditën e djeshme ka ndarë hallin e madh me ndjekësit e saj në rrjetet sociale ku ka treguar se kohët e fundit ka marrë shumë gjoba nga policia rrugore.
Pas publikimit të videove, Nishani ka rënë pre e një “kurthi” nga emisioni “Ndryshe” në Top Albania Radio ku e ka telefonuar gazetarja dhe i ka thënë se ka marrë një tjetër gjobë pasi është filmuar duke i dhënë makinës me një dorë.
“Një gjobë shtesë? Unë? Çfarë gjobe moj? Çfarë po thua moj, po tallesh? Herën e kaluar nuk më more me këtë numër. Me këtë numër mua më është përgjigjur sekretaria e Top-it. Të raft pika në ballë”-tha Beniada, e cila mesa duket e kuptoi lojën.
Në videot e publikuara dje, ish-banorja e “Big Brother VIP” u shpreh se e gjitha po ndodh për shkak të mungesës së një garazhi në banesën ku ajo jeton. Si zgjidhje, Beniada shprehet se do të vendosi targën e mjetit të saj në “Instagram” që të mos i vendosin më gjobë.
