Pranvera sjell një lloj çlirimi në një sërë mënyrash në Dehli. Ajri është i freskët dhe me ndryshimet klimatike vjen edhe një “dush” reshjesh që i jep frymë të mbjellave.
Fundi i prillit karakterizohet edhe nga disa erëra në mbarë rajonin, që ngrenë “mbulesën” e pluhurit që ka mbuluar qytetin gjatë muajve të vjeshtës dhe dimrit. E prapëseprapë nuk pastrohet plotësisht.
Në 10 vitet e fundit, vendasit dhe vizitorët kanë qenë dëshmitarë të ndotjes në qytetin e Dehlit.
“Për një moment sheh dritën e diellit dhe më pas je papritur i zënë në kurthin e errësirës nga një smog i dendur,” thotë një gazetare. “Çdo ditë shohim me sy të lirë realitetin ku jemi të detyruar të jetojmë,” shprehet ajo për BBC.
Efektet e ndotjes variojnë nga irritim i lëkurës dhe syve e deri në sëmundje neurologjike, kardiovaskuale e respiratore. Po ashtu nuk hiqen mundësitë e astmës, sëmundjeve pulmonare, kancerit dhe rritjes së vdekshmërisë.
Në rang global, ndotja e ajrit vret rreth 4.2 milionë njerëz çdo vit. Në tetor dhe nëntor, nxënësit e shkollave në Nju Dehli shpesh u duhet të ndërpresin mësimin për shkak të përkeqësimit të ndotjes. Ndodh që shkollat të mbyllen për rreth 2 javë në vit.
“Nxënësit tanë kanë vendosur maska, gjithmonë, shumë kohë para Covid,” thotë gazetarja.
