Më 21 ose 22 maj, anëtarësia e Partisë Demokratike, do të votojë për zgjedhjen e kryetarit të PD. kjo u bë e ditur nga ish-Kryeministri Sali Berisha, pas mbledhjes së Komisionit të Rithemelimit.
Berisha tha se ai do të garojë për postin e kreut të PD.
Ish-Kryeministri tha se Kuvendi i 30 prillit do të zgjedhë Këshillin Kombëtar të PD dhe më pas është ky i fundit që do të zgjedhë Kryesinë.
Berisha tha se në Këshillin Kombëtar do të rikthehet Jozefina Topalli, Rudina Hajdari, Arben Imami.
Berisha tha se Kuvendi i 30 prillit do të autorizojë Komisionin e Rithemelit që të drejtojë PD deri në zgjedhjen e Kryesisë së partisë.
