Nënkryetari i LSI, Petrit Vasili, komentoi në Syri Tv shkarkimin nga KPA të prokurores Elisabeta Imeraj.
Vasili është i mendimit Reforma në Drejtësi po shkon keq e më keq ndërsa theksoi se diskriminimi krahinor për Imerajn është i papranueshëm.
“Gjuhë ordinere në trajtimin e çështjeve, krahinarizëm i neveritshëm që s’ka të bëjë me ligjin, Kushtetutën. Me gojën plot të gjithë mund të thonë që ishte më mirë kur ishte më keq”, tha Vasili.
Lidhur me Kryesinë e PS, Vasili theksoi se s’ka qenë gjë tjetër veçse një monolog i Ramës.
“Vuajmë prej një shteti mafjoz, Rama është koka. Për të bërë zhurmë këmbanave për drejtësinë që bien, bën zhurmë me këto të tjerat. Drejtësia e re një kufomë që kutërbon era Rilindje.”-tha Vasili.
Për denoncimin e Berishës se mbi 75 për qind e të pranuarve në shkollën e Magjistraturës janë pjesë e administratës dhe anëtarë të FRESH, Vasili tha se kjo bëhet për të kapur sistemin e drejtësisë.
“Një shkollë Magjistrature që e kontrollojnë vetë. I fusin ata po vetë.”-tha Vasili.
