Pas mbledhjes së grupit parlamentar, kryeministri nuk u largua pas folur për mediat dhe pa thënë ato që ai kishteregjistruar në mendjen e tij. U pyet për kandidaturën e mundshme të presidenti, se nga cila fushë do të merret. U pyet edhe për negociatat me PD dhe nuk ndryshoi qëndrimin e tij se ka një vijë të kuqe.
Cili është vendimi i grupit për emrin e presidentit?
Vendim i konsoliduar se kandidati apo kandidatja nuk do të jetë nga grupi parlamentar i Partisë Socialiste.
Të gjitha historitë e profilëve, kritereve, fushave, janë mekanizma për të krijuar mjegull gjatë rrugës, ndërkohë që është shumë e qartë që nuk është as fusha dhe as mbledhjet për profile që nxjerrin kandidaturën për president. Pavarësisht nga fusha dhe çfarë mund të shkruhet, është e panevojshme të shkojmë në atë drejtim ,që thjeshtë është për të konsumuar kohën.
Kushtetuta ka nevojë për një garant. Republika ka nevojë për një figurë që të mishërojë normalitetin dhe harmoninë. Patjetër që e gjithë kjo bashkësi shqiptare ka nevojë për një pikë referimi dhe për një shqiptar të denjë.
Po negociatat me PD?
Nuk ka akoma një proces. është shumë e qartë vija e kuqe për ne. Nuk bëjmë asnjë negociatë dhe nuk kemi asnjë komunikim për të bërë në fuinksion të së ardhmes me atë që në funksion të politikës është përfaqësues i botës tjetër.
A mund të kemi një president nga jashtë vendit?
Do ishte mirë të vinte. Ka një pengesë në Kushtetutë që është bërë në një kohë tjetër. President nuk mund të zgjidhet dikush që nuk ka jetuar 10 vitet e fundit në shqipëri.
Ka ardhur koha për një president të përbashkët me Kosovën?
Do të kishim bërë Hashim Thaçin dhe do e votonim me bindje. Por fatkeqësisht ai nuk është i lirë. Ndaj tij po zhvillohet një proces që ju e dini si është.
President përtej Partisë Socisliste?
Grupi i PS nuk ka shprehur ndonjë vullnet, por ka kontribuar me propozime. Ka nga brenda dhe nga jashtë grupit të PS. Nuk shoh ndonjë vullnet. Në kryesi sot ka qenë i konsoliduar opinioni që kjo nuk është radha që një president të dalë nga Grupi i Partisë Socialiste.
A kanë ardhur propozime nga PD?
Proces që do e ndjek komisioni që është ngritur. Nuk ka problem afatesh, ndërtohet procesi dhe do të presim deri kur ata të kenë emrat. Nëse ata nuk sjellin asnjë kontribut është zgjedhja e tyre. Nuk ka këtu ndonjë dramë të madhe. Ne kur ishim në opozitë, jo vetëm herën e parë por dhe herën e dytë kur nuk kishim vota, dhe ishin gjasa që do dilte një partizanë i PD-së, ne ishim aty dhe dhamë kontributin tonë.
Po për vendimin e fundit të Bullagrisë e cila nuk heq veton ndaj Maqedonisë së Veriut?
Nuk kam asnjë surprizë. E kam thënë. Nuk jam optimist, për rezultatin e negociatave mes Maqedonisë së Veriut dhe Bullgarisë. Bazuar dhe në opinionet që kemi marrë nga qytetarët tanë, nëse në fund të këtij 6 mujori ngërçi nuk do të zgjidhet ,do të ndryshojmë kursin.
Do kërkojmë ndarjen nga RMV dhe skemi pse të jemi të varur nga një absurd i tillë që nxjerr në pah një problem të BE. Shpresojmë që përzgjedhja e Macron do t’i jap shtysë proceseve të BE. Nëse jo, situata e brendshme në BE do të jetë vërtetë problematike.
