Gjyqi i ish-çiftit të njohur të Hollywood-it është kthyer në kryefjalën e mediave.
Prezantuesi Howard Sterni beson se Depp është një “narcist, që kërkon vëmendje dëshpërimisht”.
“Arsyeja pse ai e donte këtë – ai donte që të transmetohej në televizion sepse kjo është ajo që bëjnë narcistët”, tha Stern të hënën në emisionin e tij në radio ‘SiriusXM’ ndërsa diskutonte për betejën ligjore shumë publike të Depp me Heard.
“Në shkallën e narcisizmit, unë mendoj se Johnny Depp është një narcist i madh – dhe çfarë dua të them me këtë është, ai mendoi ‘Unë do ta vendos këtë në TV. Dhe sepse jam kaq bindës dhe kaq i zgjuar, dhe jam një djalë kaq i mrekullueshëm”, tha Stern.
Ish-gjyqtari i “America’s Got Talent” më pas akuzoi Depp-in se po bën një shfaqje.
“Do t’ju luaj disa klipe nga gjyqi i Johnny Depp. Nëse ai nuk po aktron – dua të them, ai po e tepron kaq shumë sepse po shkruan materialin e tij ndërsa shkon përpara. Ai e ka gabim. Ai nuk duhet ta tregojë këtë në TV në asnjë formë”, vazhdoi tutje ai.
