Ish-Kryeministri Sali Berisha ka reaguar pas sulmeve që po ndodhin ndaj policisë së Kosovës, kryesisht në veri të vendit.
Sipas tij, këto sulme bëhen me urdhër nga Aleksandër Vuçciç.
Reagimi i Sali Berishës:
Sulmet kriminale te bandave te Beogradit urdhërohen nga serbomadhi Vuçiç!
Të dashur miq, pas agresionit barbar rus ndaj Ukrainës, Beogradi ka organizuar falanga banditësh dhe ka ndërmarrë me to në mënyrë të përsëritur sulme kriminale dhe terroriste ndaj patrullave të Policisë së Kosovës në veriun e vendit.
Me këto sulme të Vuçiç kërkon të provokoje konflikt dhe destabilizim dhe të vazhdojë kështu projektin e tij të Serbomadhisë.
Dënoj me ashpërsinë më të madhe këto akte të përsëritura kriminale ndaj policisë së Kosovës dhe kërkoj ndërprerjen e tyre të menjëhershme.
