Aktorja e famshme Jameela Jamil njoftoi se do të largohej nga Twitter pasi Elon Musk bleu kompaninë për 44 miliardë dollarë.
Twitter tani do të jetë një kompani private. Por pavarësisht se CEO i Tesla-s u bëri thirrje “kritikëve” që të qëndrojnë në Twitter, duket se disa personazhe të famshëm po çaktivizojnë llogaritë e tyre përgjithmonë.
Ylli i “The Good Place”, Jamil tha se po largohet nga platforma për faktin se si do të ndryshojë mjedisi pasi Musk të marrë drejtimin.
”Ah, ai mori Twitter,” shkroi ajo krahas fotove me qenin. “Do doja që kjo të ishte ajo që qëndron këtu si tweet-i im i fundit. Vetëm një justifikim për të treguar fotot e Baroldit. Kam frikë se kjo ofertë e fjalës së lirë do ta ndihmojë këtë platformë ferri të arrijë formën e saj përfundimtare të urrejtjes, fanatizmit dhe mizogjinisë krejtësisht të paligjshme. Suksese”, përfundoi ajo.
