Elisa Spiropali deklaroi mbrëmjen e sotme në emisionin “Të Paekspozuarit” se Enkelejd Alibeaj është kryetari dezhurn i PD-së.
Spiropali tha se Alibeaj është ai që u zgjodh nga vetë deputetët e PD si kryetar i Grupit Parlamentar.
“Alibeajn e njohin edhe ata të Komisionit të Rithemelimit përderisa shkojnë nga mali në mbledhjet që ai thërret”, tha Spiropali. Sipas saj, PS në procesin e zgjedhjes së Presidentit do të diskutojë me përfaqësuesit e Grupeve Parlamentare.
“Kemi një propozim nga Fatmir Mediu për të diskutuar me opozitën dhe ne do të diskutojmë me grupet parlamentare që njihen deri më tani”, tha ajo.
