Ministrja e Shtetit për Marrëdhëniet me Parlamentin, Elisa Spiropali, e ka cilësuar një luftë të kotë dhe qesharak veprimin e ndërmarrë me një peticion kundër Ambasadores amerikane, Yuri Kim.
“Janë si ato fletërrufetë që niseshin nga fshatrat, pavarësisht se shkruheshin në qytet”, tha Spiropali.
Ajo u shpreh se diplomatja Kim po sulmohet më ashpvr nga të gjithë ambasadorët e mëparshëm amerikanë, pasi edhe veprimet e saj dhe SHBA kanë marrë vendimin më të fortë, duke shpallur non grata liderin historik të PD, Sali Berishën.
“Nuk është gjë e vogël kjo, nuk është një vendim që kalohet kështu, ndaj dhe ka shumë reagime dhe sulme të tilla, por kot e kanë”, tha Spiropali.
