Ushtarit rus që i dha leje gruaja të përdhunonte gra në Ukrainë, është kapur në Izyum të Ukrainës. Lajmin e bën të ditur ish-deputeti i këshillit të qytetit, Ilia Ponomarev.
Kujtojmë se publikimi i telefonatës që 27-vjeçari rus Roman Bykovsky bëri me bashkëshorten shkaktoi zemërim dhe reagim ndërkombëtar.
Në audion e publikuar, Olga Bykovskaya dëgjohej ndërsa i thoshte ushtarit rus që e lejonte të përdhunonte gra ukrainase për sa kohë që do të përdorte mbrojtje.
Të rinjtë rusë u identifikuan disa ditë më parë nga gazetarët ukrainas të grupit investigativ ‘Skhemy’.
Ushtari 27-vjeçar ka marrë pjesë dhe në aneksimin e Krimesë. Familja nga rajoni i Oryol-it, që nga viti 2018 jetojnë në Krimenë e pushtuar dhe kanë edhe një fëmijë.
Pjesë nga biseda telefonike:
Gruaja: Shko e përdhuna gra ukrainase, në rregull? Por mos më thuaj asgjë.
Ushtari: Mundem?
Gruaja: Po, ta lejoj, por përdor prezervativë.
