Një 26-vjeçar është arrestuar nga “Shqiponjat” e Shkodrës pasi akuzohet se ka grbaitur një 39-vjeçar.
Në pranga u vu Gjovalin Doda, 26 vjeç, banues në fshatin Mnelë e Madhe, Vau Dejës.
Ai akuzohet për veprat penale “Vjedhja me armë” dhe “Prodhimi dhe mbajtja pa leje e armëve luftarake dhe e municionit”.
Ngjarja
Ngjarja ka ndodhur në lagjen ‘Pecaj’, fshati Mnelë e Madhe.
Policia njoftoi se i riu, nën kërcënimin e armës së zjarrit dhe i maskuar, i ka marrë shumën prej 230 mijë lekë (të vjetra) J.C. 39 vjeç, me banim në Rrilë-Lezhë, i cili po drejtonte automjetin tip ‘Ford’. Më pas, Doda është larguar nga vendi i ngjarjes.
Gjithashtu gjatë kontrollit në banesën e 26-vjçarit u gjet dhe u sekuestrua, në cilësinë e provës materiale, 1 armë zjarri pushkë, krëhëra pushke, 220 fishekë luftarak dhe 1 maskë me ngjyrë të zezë, e cila dyshohet se është përdorur nga ky shtetas për të kryer vjedhjen nën kërcënimin e armës, shtuan të njëjtat burime.
