Dragovoljaç ka ndezur shpresat për mbijetesë në elitën e futbollit kroat dhe protagonist është padyshim shqiptari, Bernard Karrica.
Sulmuesi i kombëtares shpresa realizoi gol në fitoren 3-1 përballë Shibenikut, në ndeshjen e javës së 32-të të kampionatit.
Ishte fundi i pjesës së parë, kur 21-vjeçari fitoi betejën e shpejtësisë me mbrojtësin kundërshtar për të tundur rrjetën.
Një fitore që skuadrën e Karricës e mban vetëm matematika në lojën për mbijetesë, pasi renditet e fundit me 18 pikë, tetë më pak se Istria Karrica luan te Dragovoljaç i huazuar nga Rijeka.
21-vjeçari është aktivizuar në 11 sfida, ku ka realizuar tre gola dhe dhënë tre asiste për shokët e skuadrës.
Paraqitje që mund të detyrojë Rijekën për ta rikthyer Karricën në bazë sezonin e ri, me futbollistin shqiptar që pritet të jap kontributin me skuadrën që i zotëron kartonin.
