Pas procesit të votimit për zgjedhjen e kryetarit të degës, demokratët e Fushë-Krujës këtë të shtunëvotuan për kryesinë e degës dhe delegatëve të Kuvendit Kombëtar të 30 prillit.
Kryetari i kësaj dege Agron Loka, në një postim në rrjeyin social Facebook, shprehet se Pd i ëhstë kthyer demokratëve dhe nuk mund të jetë pronë enjë individi.
Deklarata
Demokratët e Fushë Krujës permbyllën sot me zgjedhjen e Kryesisë së degës dhe Delagatëve të Kuvendit Kombëtar një nga proceset zgjedhore unike në historinë e pluralizmit, ku anëtarësia ka zgjedhur me votë direkte nga sekretari i seksionit deri tek Kryetari i Partisë.
Sot mund të thuhet se PD i është kthyer demokratëve, anëtaresisë dhe nuk është më pronë e një individi.
Rikthimi i PD tek demokracia direkte është një ogur i mirë për një shoqëri që ka përballë saj tashmë dy modele, atë të Partisë-Shtet të regjimit dhe Partisë së njerëzve të lirë që zgjedhin dhe zgjidhen me votë të lirë.
Ky proces do ta shndërrojë PD në një model demokracie dhe është baza më e mirë për rikthimin e besimit të PD tek qytetarët nga do të nisë edhe rrugëtimi ynë drejt fitores për të ndryshuar Shqipërinë.
