Plot 6 pako kokainë janë kapur dje nga policia italiane në Romë dhe një shqiptar është vënë në pranga.
Në pranga është vënë D.M., 41 vjeç, i cili është shoqëruar në burgun e Civitavecchia-s.
Sasia e drogës e sekuestruar është 6 kg kokainë e cilësisë shumë të lartë, që vlerësohet se në treg do të kapte shifrën e mbi 1 milion euro, raportojnë mediat lokale.
Droga është gjetur në makinën me të cilën udhëtonte transportuesi shqiptar. Kokaina, e fshehur në një pjesë të makinës të krijuar enkas, ishte ndarë në 5 pjesë dhe mbështjellë me celofan transparent.
