Një shpërthim me bombë pranë një xhamie sunite në Afganistanin verior ka vrarë të paktën 33 persona dhe ka plagosur dhjetëra të tjerë, ka thënë një zëdhënës i talebanëve.
“Një shpërthim bombë pranë një xhamie në lagjen Imam Sahib të Kunduzit ka vrarë të paktën 33 civilë, duke përfshirë fëmijë,” shkroi zëdhënësi i talebanëve Zabihullah Mujahid në një mesazh në Twitter.
Gjithashtu, ai njoftoi se 43 persona kanë marrë plagë të shumta dhe janë transportuar në spital për ndihmë mjekësore.
“Autorët e këtyre sulmeve janë elementë satanikë dhe po bëhen përpjekje serioze për arrestimin dhe ndëshkimin e tyre” tha ai.
Nuk është e qartë se kush qëndronte pas sulmit, i cili erdhi pas disa shpërthimeve të marra përsipër nga grupi i armatosur ISIL (ISIS) të cilat tronditën Afganistanin, duke përfshirë një në Kunduz dhe një tjetër në një xhami shiite në Mazar-i-Sharif, të enjten.
