Dita e Tokës po festohet sot në mbarë botën dhe kjo ngjarje ndërkombëtare synon të tërheqë vëmendjen e popullatës për problemet e mbrojtjes së mjedisit.
Çdo 22 Prill, Dita e Tokës festohet në të gjithë botën për shkak të nevojës për të rritur ndërgjegjësimin për ndotjen e mjedisit.
Mbi një miliard njerëz nga 192 vende marrin pjesë në aktivitetet e Ditës së Tokës çdo vit, duke e bërë atë “festën” më të njohur ndonjëherë.
Dita e Tokës festohet për të forcuar ndërgjegjësimin e njerëzve për mjedisin natyror, për të ndërgjegjësuar popullatën e botës për përgjegjësinë e saj ndaj planetit ku jeton, për t’i vënë në dukje popullatës problemet e ngrohjes globale, rritjes së ndotjes së mjedisit, efekteve serë, rritjes së temperaturës mesatare globale.
Ndryshimet klimatike, ndërtimet e papërgjegjshme dhe të paplanifikuara, sjellja e papërgjegjshme e çdo individi ndikojnë jo vetëm në pamjen e mjedisit, por edhe në shpeshtësinë dhe përmasat e pasojave të fatkeqësive dhe aksidenteve të mëdha.
