Artistja Inida Kreuz, e njohur me emrin e artit Zhaku, në një lidhje “Skype” me emisionin “Wake Up”, tregoi se tashmë e ka lënë “barin”.
“Unë e kam lënë barin, jam 6-muajshe shtatzënë. Nuk më shkon shumë se jam 40 vjeç. Unë kam qenë gjithmonë për legalizimin e kanabisit. Mendoj se duke folur hapur do jemi më të lumtur dhe më të qetë. Unë personalisht jam pro kanabisit dhe kundër drogërave të forta që janë të dëmshme për shëndetin. Ai medicinal mund ta marrësh, është e lejuar në Gjermani”, tha Zhaku.
Zhaku tha se do të ishte më mirë edhe për ekonominë e vendit që të legalizohej kanabisi.
“Të flasim për ekonominë, me hamendje, 20 për qind e popullsisë e kanë ekonominë nga trafikimi i lëndëve narkotike. Njerëzit që kanë krijuar një lloj përvoje për shitjen e kanabisit, të marrin licencë, të jenë të hapur para ligjit”, tha artistja.
